- أوبر و كريم وغيرها من الشركات الجديدة الـ بتنقل الركاب عن طريق تطبيقاتهم الخاصة على الموبايل .. انهاردة هنتكلم عن العائد المادى لو قررت تشغل عربيتك ..
اول حاجة .. لازم تحطها فى دماغك .. انك تتخلص من الافكار السلبية المعقدة الـ هاتدور فى راسك او الـ ممكن تسمعها من الـ حواليك .. زى ..
- يعنى انت هاتشتغل سواق على أخر الزمن ؟؟
طبعا الشغل مش عيب وانته ممكن تكون بتشتغل فى مكان ما وعايز تزود دخلك .. أوومكن تكون قاعد ومش لاقى شغل وممكن تكون دى شغلانه مؤقتة لغاية ماتلاقى شغل مناسب ..
ثانى حاجة .. تعالى أققولك مميزات الشغل فى الشركات دى
أهم ميزة أنك مش مجبر أنك تشتغل كل يوم ومافيش وقت محدد للشغل يعنى ممكن تشتغل فى اليوم ساعة وممكن ماتشتغلشى خالص ده غير أنك هاتكون مدير نفسك
ثالت حاجه .. ودى الـ هانتكلم فيها بالتفصيل وهيا المقابل المادى ( هاتكسب كاااام )
هاتروح بعربيتك تتعاقد مع مكتب تابع لأوبر أو اى شركة تانية وهيتم فحص العربية وفى حالة الموافقة هتاخد زى محاضرة كده وهيكون فيها تعليمات الشركة والمكتب ده بيكون له عمولة (تقريبا 100 جنيه من دخلك )
فى اوبر مثلا , فى حاجه اسمها الجارانتى والبونص
ايه الجارانتى ده ؟
هوه ضمان ليك عشان لو أنت كنت فى عربيتك ومفيش أى حد بيطلبك لمشاوير يعنى مجرد ما هيكون الأبلكيشن مفتوح على موبايلك فهتاخد الجارانتى ده
من الساعة 7 الى 10 الصبح ( الساعة بـ 40 جنيه )
من الساعة 2 الى 9 ليلا (الساعة بـ 35 جنيه )
ويوم الجمعة والسبت من 1- 11 بالليل الساعة بـ 35 جنيه , ويوم الخميس من 7 الصبح لغاية 12 بالليل بتاخد 40 جنية
بس لو جالك توصيلة وتمنها أكتر من الجرانتى فبكده هتاخد تمن التوصيلة ومش هتاخد الجرانتى وبكده يكون الجارانتى ده بيضمنلك أنك مش هاتحرق بنزين بدون مقابل ومش هاتضيع وقت
طيب وايه البنوص ده ؟
البونص هو مكافأه كده الشركه بتشجعك من خلالها لزيادة عدد ساعات شغلك
لو عملت 29 توصيلة فى الاسبوع بتاخد 200 جنيه
لو عملت 59-88 توصيلة فى الاسبوع بتاخد 500 جنيه
لو عملت 89 فما فوق توصيلة فى الاسبوع بتاخد 1100 جنيه
يعنى ببساطة كده لو مثلا واحد اشتغل على عربيته 3 ساعات فى اليوم ( وطبعا مش شرط يكون متصلين ممكن يكون ساعه الصبح وساعه بعد الضهر وساعة بالليل ) تعالى نحسب هيقبض كاااام ؟؟
لو قولنا انه هيشتغل فى الوقت الـ فيه الجارانتى ب 35 جنيه
بالظبط كده تقريبا 4 ألاف جنيه شهريا فى 3 ساعات فى اليوم بس .. أعتقد ده يعتبر دخل كويس جدا بدل ما تقضى الـ 3 ساعات دول فى حاجة مش مفيدة ..
وطبعا طريقة حساب الدخل تختلف من شركة لأخرى بس الاختلافات بسيطة جدا
موبايل : 01288434894
